Боқаев «Атакент» аумағын қайта жаңғырту туралы ақпаратты әдейі бұрмалады – айыпталушының танысы

Алматы қаласының Алмалы аудандық сотында Санжар Боқаевқа қатысты қылмыстық іс бойынша куәгерлерден жауап алу жалғасып жатыр. Кезекті сот отырысында әкімдіктің бұрынғы және қазіргі қызметкерлері, сондай-ақ айыпталушының танысы жауап берді.

Жалған ақпарат таратуға қатысты эпизод (ҚР Қылмыстық кодексінің 274-бабы) бойынша негізгі куәгерлердің бірі – Бибек Жүнісов. Ол Боқаевпен 2025 жылдың тамыз айында танысқан. Жүнісов «Атакент» көрме орталығының (Қазақстандық іскерлік ынтымақтастық орталығы) реконструкциясына бюджеттен қаражат бөлінгені туралы блогерге мемлекеттік сатып алу порталынан скриншот жіберіп, ақпаратты өзі жеткізгенін растады. Алайда куәгердің айтуынша, Боқаев түсірілім кезінде бұл ақпаратты әдейі бұрмалаған.

Жүнісовтің айтуынша, 2025 жылдың қараша айының басында ол Боқаевпен және оператор Ұлан Нүсіпқожамен бірге түсірілім жасау үшін «Атакентке» барған. Жүнісовке мердігер туралы бірнеше ауыз сөз айтуға ғана мүмкіндік берілген, ал мәтіннің негізгі бөлігін Боқаевтың өзі сөйлеген.

Сотта Жүнісов бейнеролик жарияланғаннан кейін көрермендерде «Атакент» жеке меншік аумақ екен, ал оны жөндеуге мемлекет қаржы бөліп жатыр деген түсінік қалыптасқанын айтты. Бұдан бөлек, блогер бөлінген қаражат тек жарықтандыруды ауыстыруға жұмсалатынын мәлімдеп, абаттандыру жұмыстарының толық көлемін әдейі жасырған. Ал Жүнісовтің сөзінше, Боқаев нақты жағдайды алдын ала білген. Өйткені куәгер оған мемлекеттік сатып алу порталындағы ресми мәліметтерді берген. Алайда блогер сметаның егжей-тегжейіне қызығушылық танытпаған.

Жүнісовтің сөздерін Алматы қаласы Қоғамдық кеңістіктерді дамыту басқармасының бұрынғы басшысы Батырхан Сүлейменов те растады. Ол сотқа «Атакент» аумағының 2018 жылы-ақ мемлекеттік меншікке қайтарылғанын түсіндірді.

Құны шамамен 12 млрд теңгені құрайтын реконструкция жобасы Боқаев айтқандай, жай ғана шамдарды ауыстыруды емес, ауқымды қалпына келтіру жұмыстарын қамтыған. Атап айтқанда, кеңестік кезеңнен қалған төрт фонтанның реконструкциясы, жаңа су қоймаларын салу, автоматты суару жүйесін орнату және 63 мың жасыл желек отырғызу көзделген.

«Миллиардтаған қаржы жарықтандыруға жұмсалады» деген жалған роликтің таралуы тұрғындардың шағымдарына, сот даулары мен мемлекеттік сатып алу рәсімдерінің күшін жоюға әкелген. Соның салдарынан жобаны жүзеге асыру кейінге шегерілген.

Осындай жағдай Баум тоғайындағы ағаштардың кесілуі туралы бейнематериалға қатысты болған. Сүлейменов «Bazis-A» компаниясының ол жерде тұрғын үй кешенін де, мейрамхана да салуды еш жоспарламағанын еске салды. Компания тек аумақты абаттандыру жұмыстарына, атап айтқанда, жарықтандыру мен жүгіру жолдарын салуға демеушілік жасаған.

Жоба ағаштарды кесуді мүлде қарастырмаған. Апатты жағдайдағы ағаштарды алып тастаумен тек осыған уәкілетті экологтар айналысқан. Ағаш кесілген орын орманның түкпірінде, жолдардан алыс орналасқан. Сондықтан ол жерде қандай да бір күрделі құрылыс жүргізу физикалық тұрғыдан мүмкін емес еді.

Алайда Боқаевтың бейнеролигі жарияланғаннан кейін әкімдік жергілікті тұрғындарға жағдайды түсіндіруге, апта сайын аумақты аралауға және бастамашыл топтар құруға көп уақыт жұмсауға мәжбүр болды.

Фактілердің бұрмаланғаны жаяу жүргіншілер өткелдеріне қатысты эпизод бойынша да расталды. Бостандық ауданы әкімінің бұрынғы орынбасары Ренат Сейдраманов Боқаевтың өз бейнеролигінде мердігерді бір ғана жерасты және бір жерүсті өткелін жөндегені үшін 1 млрд теңгеге жуық қаражат алды деп айыптағанын айтты.

Сейдраманов қорғау тарабына мемлекеттік сатып алу порталын көрсетіп, онда аталған соманың (шамамен 860 млн теңге) бірден 10 өткелді – бес жерасты және бес жерүсті өткелін күрделі жөндеуге бөлінгені нақты көрсетілгенін дәлелдеді.

Куәгердің айтуынша, ескі өткелдер апатты жағдайда болған: темірбетон тақталары құлап, металл бөлшектері тот басқан. Алайда Боқаев бұл мәліметтерді тексерместен, «мінсіз төселген тақтайшалар» туралы әсер қалдыратын монтаждалған бейнеролик