Әкелер футбол ойнады

Өткен демалыс күндері қаламызда Әкелер күні мерекесіне орай әр әулеттің отағалары мен балалары қатысқан футболдан жолдастық кездесу өтті. Қазақстанда биыл алғаш рет аталып отырған бұл мереке – асқар тау әкелерді ардақтайтын, отбасы құндылықтарын ұлықтайтын күн. Қосшы қаласының әкімдігі мейрам күндері футболдан жарыс ұйымдас- тырды. Іс-шараның мақсаты – дәстүрлі отбасылық құндылықтарды насихаттау, үлгілі ата-ана болу идеясын айту, сондай-ақ бала тәрбиесіндегі әкелер рөлінің маңыздылығын арттыру. Ойын өте қызықты өтті. Бұл күні тек жүлдегерлер ғана емес, жарысқа қатысушылардың бәрі дипломдармен және бағалы сыйлықтармен марапатталды. Спорт -денсаулық кепілі. Айтулы шараға байланысты отбасылар демалыстарын қызықты өткізумен бірге, денсаулықтарын да шыңдап қайтты. Ал балалар әкелерінің тағы бір жақсы өнегелеріне қанық болды.