Әлемдегі ең үлкен өрт оқиғалары

Өрттің өршуі тез, сөнуі қиын. Қай ғасырды алсақ те, адамзаттың тілсіз жауы өрт болып келе жатыр. Мақалада әлемдегі ең үлкен өрттер тізбегі жинақталды.  

10. Лондондағы өрт, Англия

Бұл өрт 1666 жылдың 2-5 қыркүйегі аралығында болды. Осы күндері Лондонда 13 500 үй өртеніп, 70 мыңға жуық адам баспанасыз қалды.  Сол кезде қалада 80 мың адам өмір сүргенін ескерсек, өрт қала тұрғындарының 90 пайызын үй-күйсіз қалдырған. Зардап шеккен ғимараттардың ішінде 80 шіркеу болды. Оқиға Лондонның ұлы өрті деп аталды. Қазір қаланың бұл тарихи бөлігі West End деп аталады. Көптеген жылдар өтсе де, бұл апат Англияда әлі күнге дейін есте қалады және оның қайталанбауы үшін барлық күш-жігер жұмсалуда.  

9. Лиссабондағы өрт, Португалия

Жер сілкінісі кесірінен Лиссабонда болған бұл өрт 1755 жылы 1 қарашада таңғы 9:30-да барлық қаланы шарпыды. Сол күні 90 мың адам қайтыс болды. Португалиядағы жер сілкінісі цунамиге жалғасып,  адамдар қауіпсіз жерлерге жүгірді, бірақ, цунами басып алмаған аудандар өртке оранған болатын. Өрт бес күнге созылып,  ғимараттардың 85 пайызы, соның ішінде әйгілі сарайлар құлады.  

8. Чикагодағы өрт, АҚШ

Чикагодағы үлкен өрт 1871 жылдың 8-10 қазаны аралығында болды. Өрт қаланың жартысынан көбін қиратты. Жүздеген тұрғын қаза тауып, өрт 19 ғасырдағы ең үлкен өрттердің біріне айналды. Бірақ осының бәріне қарамастан, қала бірден қайта құрыла бастады және ол АҚШ-тың маңызды орнына айналды. Өрттің неден басталғаны туралы ресми мәлімет жарияланған жоқ. Бірақ ол Дековен көшесіндегі 137-үй мекенжайындағы шағын сарайдан басталғаны белгілі. Газеттерде әртүрлі нұсқалар жарияланды. Кейбіреулер сиыр керосин шамын құлатты, ал басқалары сүт алуға шыққан ұры шөпті өртеп жіберді деп мәлімдейді. Қалай болғанда да, немқұрайлы әрекет үлкен апатқа әкелді.  

7. Бостондағы өрт, АҚШ

1872 жылы 9 қарашада үлкен Бостон өрті болды. Өртте жиырма адам қаза тапты. Барлығы 776 ғимарат зардап шекті. Бір қызығы, олардың арасында ескі Оңтүстік Митинг үйінің ғимараты жоқ. Қала тұрғындары құрылымды дымқыл көрпелер мен бу машинасының көмегімен құтқара алды. Өрт салдарынан қаланың көптеген тұрғындары көшеде қалды. Біреу олардың үйі өртеніп кеткендіктен, ал біреу көптеген мекемелер жұмысын тоқтатқандықтан. Алайда, екі жылдың ішінде Бостон толық қалпына келе алды. Бұл Америкадағы ең үлкен өрттердің бірі.  

6. Токиодағы өрт (1923), Жапония

Жапониядағы өрт магнитудасы 8,3 болатын үлкен жер сілкінісінен басталды. Жер сілкінісінің өзі үлкен апатқа айналды. Дүмпулерден кейін бірден цунами пайда болып,  жағалаудағы халықты шайып кетті. Қатты желдің әсерінен тез тараған өрттің жалын биіктігі 60 метрге жетті. Мұның бәрі жер асты дүмпулері кезінде өрт сөндіру бөлімдері мен өрт сөндіру машиналарының көпшілігіне әсер етуімен үлкейе түсті.  

5. Пештигодағы орман өрті, АҚШ

1871 жылдың күзінде Американың ең үлкен апаттар тізіміне енгізілген бірнеше ауыр өрттер болды. Чикагодан 600 шақырым жерде орналасқан Пештиго қаласы толығымен жойылып, 2500 адам қайтыс болды.  

4. Калимантан аралындағы орман өрті, Индонезия

Адамзат тарихындағы ең үлкен орман өрті 1982 жылы қыркүйекте Индонезияның Калимантан аралының шығыс бөлігін шарпыды. Өрт бір жылға жуық уақыт бойы өршіп тұрды (10 ай). 800 мың гектарға жуық орман өртеніп, көптеген орман жануарлары зардап шекті. Өрттің салдарынан өсімдіктер мен жануарлардың бірнеше түрі толығымен жойылып, гиббондар, орангутандар, макакалар, тиіндер мен құстар зардап шекті. Бұл өрт өз ғасырындағы ең үлкен өрт болды.  

3. Мэрисвиллдегі өрт, Австралия

Мэрисвиллдегі дала өртінен 181 адам қаза тапты. 750 ғимарат толығымен қирады. Өрт 2009 жылдың 7 ақпанында сенбіде басталды. Содан бері Австралия тұрғындары бұл күнді «қара сенбі» деп атайды. Австралиялық өрттердің бүкіл тарихында бұл оқиға ең көп жазықсыз адамдардың өмірін қиды. Ол кезде қалада өткен ғасырдағы ең жоғары температура байқалды. Мэрисвиллден тек 20% қалып, жақын маңдағы қалалар да үлкен шығынға ұшырады.  

2. Сібірдегі орман өрттері, Ресей

Тарихтағы ең үлкен орман өрттері 2019 жылы басталды. Сібірде Ресей Федерациясының бес субъектісінде төтенше жағдай  жарияланды. Бір айдың ішінде өртке орану алаңы Якутияда 1,13 миллион гектарға, ал қалған аймақтарда 1,56 миллион гектарға жетті. Ресми мәліметтер бойынша адам шығыны болған жоқ.  Ресейде бұл өрт қамтылған аумақтың саны бойынша рекордтық көрсеткішке жетті. Әлеуметтік желілерде бұл оқиға үлкен қайшылықтар мен келіспеушіліктер тудырды. Көбісі айқайлаған хэштегтермен хабарлама жариялады және өртті белсенді түрде сөндіруді талап етті.

1. Австралиядағы орман өрттері (2019-2020)

Австралиядағы орман өрттері 2019 жылдың тамызынан басталды. Үкімет мұның бәрі рекордтық ауа температурасы мен қатты құрғақшылыққа байланысты басталғанына сенімді. 2020 жылдың қаңтарындағы жағдай бойынша 6,3 миллион гектардан астам орман өртенді. 7 мыңнан астам ғимарат өрттен зардап шекті. 2019-2020 жылдардағы өрттер ең үлкен болды деп саналады.