Ирандағы қазақ балалар елді сүйсінтті (видео)

Әлеуметтік желіде Ирандық қазақ балалардың видеосы тарап, халықтың қызу талқысына түсті, деп хабарлайды janabastau.kz. 

facebook.com қолданушысы Жанна Есеналының бөліскен видеосында Иранда тұратын қазақ балалар қазақша сөйлеп, елді тәнті етті. Өзге елде тұрса да, өз ана тілдерін ұмытпаған кішкентай балаларға көпшілік оқырмандар ризашылығын білдіріп жатыр. 

Оқырмандар: "Тектінің ұрпағы деген осы! Қазақстанда жетпіс жыл боданда болып аралас некеден туған ұлт қалыптасты ( метис ). Қазағын менсінбей, әлі күнге Орысша шулдірлеп жүр. Тіпті он жеті елмен бірге тауелсіздігін алған Қазақтың отаны бола тұра отыз жылда тілін жөндей алмады",  "Өзге елде жүрсе де, тілімен дәстүрін ұлықтаған қазағым-ай! Өз елімізде жүрсе де дәстүр, тілді менсінбей, мәңгүрт болған қазағым-ай!... Деуден басқа не айтасың?", деген пікірлер қалдырды.