Қасым-Жомарт Тоқаев Нью-Йоркке жұмыс сапарымен барды

Мемлекет Басшысы Қасым-Жомарт Тоқаев БҰҰ Бас Ассамблеясының 77-сессиясына қатысу үшін Нью-Йоркке жұмыс сапарымен барды, деп жазады ҚР Президентінің Баспасөз қызметі. Ақпаратта көрсетілгендей, Президент 19 қыркүйекте JPMorgan Chase & Co, Citi, Goldman Sachs, NASDAQ секілді жаһандық қаржы институттарының басшыларымен кездесу өткізеді. Бұдан бөлек Қасым-Жомарт Тоқаев Boeing, ExxonMobil, General Electrics, Wabtec, Microsoft сияқты трансұлттық компаниялардың жетекшілерімен, сондай-ақ сарапшылар тобының өкілдерімен де кездеседі. Мемлекет басшысы Азық-түлік қауіпсіздігі бойынша жаһандық саммитке қатысады.