Кешіккен жаңа жылдық балалар сыйлығы

Көкшетау қалалық ақпаратандырылған кітапханалар жүйесінің ұйымдастыруымен өткен шараға Ақмола облысының елге танылып қалған жазушылары: Қайырбай Төреқожа, Сайлау Көшкенұлы, Қаратай Төлекеев, Серік Жетпісқалиев, Алмас Темірбай, Ербол Бейілхан, Қуаныш Оспан мен осы бағытта енді ғана ізденіп, тырнақалды туындыларын ұсынған: Нұрислам Әбділ, Манарбек Қыдырбай, Нұрғайып Хавсемет сияқты жас авторлар  да қатысты. «­ – ­ Мемлекет басшысы  Қасым-Жомарт Тоқаев былтырғы 2022-ші жылды «Балалар жылы» деп жариялағаны есімізде. Бұл кітап та «Балалар жылы» аясында жарыққа шығуға тиісті еді, алайда, техникалық себептермен кішкентай оқырмандарымыздың қолына кешігіп жеткелі отыр. Бірақ, мәнді де, мазмұнды шығармалар, балалар көңілінен шығып, ата-аналарын да қуантатынына сенеміз,» ­­­–  дейді Ақмола облысының ішкі саясат басқармасының бөлім меңгерушісі Айгүл Талпақова. Алдағы уақытта бұл кітап Ақмола облысындағы кітапханаларға тегін таратылып, шығармалардың аудиокітап нұсқасы да жарық көреді.

Мерген Тоқсанбай