Комаға түскен 19 жастағы сарбаз Нұржігіт Әбділпатта оянды

Отарда әскери борышын өтеу кезінде комаға түскен 19 жастағы сарбаз Нұржігіт Әбділпатта оянды. Бірақ жағдайы әлі де ауыр,- деп хабарлайды Janabastau.kz сарбаздың ата-анасының әлеуметтік желідегі жазбасына сілтеме жасап.

«Ішкі құрылысы әлі қалпына келген жоқ, емделіп жатыр. Комадан тұрғанының өзі бізге үлкен дәреже болып тұр»,– дейді сарбаздың анасы Жанна Жаналина.

Оның айтуынша, дәрігерлер Нұржігітті күніне 6-8 сағатқа медициналық седацияға ұйықтатады. Сол уақытта оған басқа ем-дом шаралар атқарады. 

17 маусымда Нұржігіт Әбділпаттаны Қордайдан Алматыдағы әскери госпитальге ауыстырған.