Қосшы дүлділі I орын алды

Ұлытау облысына бір жыл толуына орай Жезқазған қаласында Республикалық ХХХІ дәстүрлі «Ұлытау үні» фестивалі өтті. Жаңа облыс өзінің құрылғанына бір жыл толу тойын дәстүрлі «Ұлытау үні» фестивалі аясында атап өтуде. «Ұлытау үні» фестивалі – талай дүлділдің бағын ашып, жұлдызын жаққан өнер бәйгесі ретінде көпке танымал. Бүгін ХХХІ-ші рет жалауын көтерген өнер думаны салтанатты түрде ашылды. Фестиваль аясында ақын, термеші Шынболат Ділдебаевтың шығармашылығына арналған термешілер байқауына Қосшы қаласы Мәдениет үйінің әншісі Елбол Қуанбек қатысып жүлделі І орын иеленді.