Қосшы қаласы қоқыстан тазартылды

Бүгін Қосшы қаласы әкімдігінің бастамасымен «Бірге Таза Қазақстан» акциясы аясында жалпықалалық сенбілік өтті. Қосшы қаласындағы білім ошақтары мен кәсіпкерлік сауда нысандарының маңы және мемлекеттік органдардың айналасы абаттандырылды, сондай-ақ, Республика және Ұлы дала көшесінің бойындағы қоқыстар тазартылды. Сонымен қатар, «Лесная поляна» тұрғын үй алабындағы аллеяға гүл көшеттері егілді. «Кейбір азаматтар көлікте келе жатып ішкен сусынның ыдысын, темекінің қорабын, тіпті сәбидің жөргегін де терезеден лақтыра салады. Бұл өз елімізге, жерімізге деген құрметтің аздығынан», дейді әкімдіктің баспасөз қызметі.