Қосшыда жаңадан мәдени-спорттық нысанның іргесі қаланды
Редакция таңдауы
116
116
Қосшы қаласында сыйымдылығы 1000 адамға арналған жаңа әлеуметтік мәдени-спорттық орталығының іргетасы қаланды.
Нысанның жалпы аумағы 8500 шаршы метрді құрайды. Құрылыс 2025 наурыз айында аяқталады деп күтілуде.
Спорттық орталықтың құны 9,6 млрд. теңге. Жоба толықтай аяқталғасын мемлекетке табыс етілмекші.
Ақмола облысының әкімі Марат Ахметжанов құрылыс жұмыстарына сәттілік тілеп, бұл әлеуметтік жобаның жоғары маңыздылығын ерекше атап кетті. Нысанның алғашқы кірпішті өзі қалады.
«Бүгінгі біздің маңызды мақсаттарымыздың бірі – Қосшы қаласын елорда іргесіндегі шағын қалашықтан қарқынды түрде дамыған заманауи қалаға дейін жеткізу. Келешек әлеуметтік мәдени-спорттық орталық біздің инвесторлар қаржысына салынып, Қосшы тұрғындарының сүйікті орны ғана емес, сонымен қатар бас қала қонақтары үшін де тартымды жеріне айналатынына сенімдіміз. Бүгін бұл жерде мәдени және ойын-сауық орындары жоқтың қасы. Бұл жоба түрлі жастағы азаматтардың барлығына да қызықты болмақ. Мен Ақмола облысы тұрғындарының алдында осындай әлеуметтік жауапкершілік танытқан Болат Өтемұратов қорына алғысымды білдіремін», - деп атап өтті өз кезегінде Ақмола облысының әкімі Марат Ахметжанов.
Пікірлер (0)