Күрд жасақтары Иран территориясына шегіне бастады

«Күрдістан жұмысшы партиясы» (КЖП) Түркия билігімен жасалған бейбіт келісімді іске асырудың келесі кезеңіне өтті, деп хабарлайды JANABASTAU.KZ ақпарат агенттігі Alash.kz-ке сілтеме жасап.

Ұйым бүгін өз қарулы құрылымдарын Түркия аумағынан толық шығару үдерісін бастағанын ресми түрде мәлімдеді. Күрд жасақтары елдің оңтүстік-шығыс аймақтарынан Ирак территориясына қарай шегініп отыр.

Бұл қадам ондаған жылдарға созылған қарулы текетірестен кейін тараптардың саяси шешім табуға деген нақты ұмтылысының айғағы ретінде бағаланды. Анкара мен КЖП арасындағы келісім – аймақтағы тұрақтылық пен бейбітшілікті қамтамасыз етуге бағытталған тарихи мүмкіндік.

Дегенмен бұл үдерістің сәтті іске асуы көптеген факторға, оның ішінде екі тараптың өз міндеттемелерін толық орындауына, шекаралық қауіпсіздіктің сақталуына және халықаралық бақылаушылардың объективті бағалауына тәуелді болмақ.