Макеттерді «мертіктірген» кім?

Көлік жылдамдығын бәсеңдету үшін түрлі макеттер жол бойына орнату елімізде екі жыл бұрын қолға алына бастаған. Аталмыш макеттер мектептер мен қауіпті жол тораптарында көлік жылдамдығын бәсеңдетуге септігін көп тигізіп келеді. Естеріңізде болса, Қосшы қаласында да жаңа оқу жылы бастала сала балалардың қауіпсіздігі үшін бірқатар шаралар қолға алынған болатын. Соның бірі мектеп жанына көлік жолдарының бойына оқушылар макетін орнатылған еді. Мақсат – мектеп маңайындағы жаяу жүргіншілер жолына жақындаған көлік жүргізушілерінің назарын аударып, жылдамдықты шамадан тыс асырмауына ықпал ету болатын. Осы жасалған еңбектің қадірі болмай, макеттердің күл-талқаны шыққан. Қоғамның тірегі – тәртіп. Ендеше, оны қамтамасыз етуге тиісті кешенді күштерді, озық әдіс-тәсілдер мен техникалық құрылғыларды нығайта түсу қажет.