«Маскүнемдік мінезі бар»: Трамп ішімдікке қатысты тәжірибесі барын ашық мойындады

АҚШ Президенті Дональд Трамп өзінің әртүрлі тәуелділіктерге бейімділігін мойындап, ішімдікті тұтынудың салдарынан маскүнем болуға жақын тұрғанын айтты. Ол бұл туралы The New York Post басылымына берген сұхбатында мәлімдеген, деп жазады JANABASTAU.KZ ақпарат агенттігі. 

Трамп алғаш рет Ақ үйдің аппаратының жетекшісі Сьюзан Уайлс айтып кеткен пікірлерге түсінік берді.

Сьюзан Уайлс Трамптың мінез-құлқын «маскүнемдік мінез» деп сипаттаған болатын. Осыған қатысты Трамп өзінің алкоголь ішпейтінін, бірақ тәуелділікке бейімділігі бар екенін айтты. 

Егер мен ішер болсам, маскүнем болуымның өте жоғары мүмкіндігі бар еді. Бұл туралы бірнеше рет айтқанмын. Менде тәуелділікке бейімділік бар, - деді Дональд Трамп. 

Сондай-ақ ол егер ішімдікке әуес болғанда, оның тәуелділікті жеңу үшін күресте қаншалықты қиын болатынын түсінетінін де атап өтті.

Еске салсақ, бұған дейін Сьюзан Уайлс Дональд Трамп және оның әкімшілігі туралы сын айтқан болатын. Кейін ол бұл сөздерін түсіндіріп, мәлімдемесіне қатысты түсініктеме беруге мәжбүр болған еді.