Өңірлердегі қоғамдық тәртіпке әкімдер жауапты болады
52
Фото: ІІМ
«Құқық бұзу профилактикасы туралы» заң жобасында әкімдердің өңірлердегі құқықтық тәртіп жағдайына ортақ жауапты болатын өзгеріс күшіне енеді. Заң бес қолданыстағы нормативтік-құқықтық актіні біртұтас жүйеге біріктіреді. Бұл жайлы Ішкі істер министрі Ержан Сәденов мәлімдеді, деп хабарлайды JANABASTAU.KZ ақпарат агенттігі Azattyq Rýhy-на сілтеме жасап.
Профилактика барлық деңгейде қамтамасыз етілуі керек. Ортақ жауапкершілік енеді: әкімдер өңірдегі құқықтық тәртіп жағдайына, мемлекеттік органдар өз құзыреті бойынша профилактикаға, мәслихаттар олардың есептерін тыңдауға жауап береді, жергілікті қауымдастықтардың рөлі күшейеді, – деді Сәденов Мәжіліс отырысында.
Сонымен қатар, құқық бұзудың профилактикасы жөніндегі ведомствоаралық комиссияның мәртебесі нығаяды.
Енді оның құрамы мен өкілеттігін президент бекітеді, ал жұмыстың нәтижесі ұлттық есепте көрініс табады. Заң жобасы профилактика субъектілерінің тізімін де кеңейтеді: олардың идеологиялық, түсіндіру, тәрбиелік жұмыс, сондай-ақ азаматтарды бейімдеу және оңалту салаларындағы құзыреті нақтыланады. Бұдан былай қоғамдық көмекшілерді тек ішкі істер органдары ғана емес, барлық құқық қорғау органдары тарта алады, – деп қосты ІІМ басшысы.
Жеке профилактика шаралары да күшейеді: есепте тұратын адамдардың тізімі мен бақылау жүргізілетін тұлғалардың тізімі кеңейіп, әкімшілік қадағалау саласы да ұлғаяды.
Пікірлер (0)