«Оның жалғыз қалатынын көріп отырмын»: марқұм Салтанат Нүкенованың ата-анасы алғаш рет ашық сұхбат берді

Экс-министр Қуандық Бишімбаевтың қолынан аяусыз қаза тапқан Салтанат Нүкенованың өліміне бір жыл толды. Марқұмның ата-анасы ол туралы естеліктерімен бөлісіп, ашық сұхбат берді. Әкесінің айтуынша, Салтанат Нүкенова экс-министрдің жалғыз қалатынын және бәрі одан теріс айналатынын бұрын көрген, деп хабарлайды janabastau.kz Информбюроа-ға сілтеме жасап.

Марқұм Салтанат Нүкенованың анасының сөзінше, ол экс-министрге тұрмысқа шығуды ойламаған. Тіпті оны жақтырмаған көрінеді.

«Ол оны мүлдем қаламаған болатын. Содан кейін өзім де «ажырасқан өзіңнен бірнеше жас үлкен. Өзің әдемісің. Саған ол керек пе?» деп айтқаным бар. Бірақ ол Салтанаттың жеке парақшасын қарап, ол туралы көп мәлімет іздестірген. Бірақ бір күні құрбысына барған. Сол кезде көзі жанып келді. «Ол сондай білімді адам екен» деп қуанып келді. Расымен де ол оны тұлға ретінде ұнатты», - дейді анасы.

Салтанат анасына үнемі Қуандық Бишімбаев туралы тек оның мінезі қиын адам екенін ғана айтқан.

«Ол алғаш бізге алғаш келгенде қобалжып тұрды. Екеуі бірге болуға келісіп қойыпты. Біз де келісімімізді бердік. Әкесі оған «Салтанат менің жалғыз қызым. Оны ренжітпегеніңді қалаймын» деп тапсырып еді. Ешкім мұндайды күтпеді. Салтанат үйге қайтып келгенде, ол артынан бірнеше рет келетін. Оның қайтуын сұрап, жалынатын. Тіпті алдына тізерлеп отырып, кешірім сұрайтын. Біздің оған жанымыз ашитын. Бірақ ол бізге шынымен де не болып жатқанын айтпайтын. Тек оның мінезі қиын деп ғана айтатын. Басында бәрін шешкен сияқты болатын. Бірақ ешкімді тыңдамастан, оған қайтадан кері оралатын», - дейді марқұмның анасы.

Әкесінің айтуынша, Қуандық Бишімбаевтың соңында жалғыз қалатынын Салтанат көрген екен.

«Ол астрологиямен айналысатын. Бір күні «әке, оның жалғыз қалатынын көріп отырмын. Неге екені оған бәрі қарсы шығады. Мен оның әйелімін ғой, жанына барғаным дұрыс» деп айтатын. Сөйтіп оған қайтып кететін», - дейді әкесі.