«Өртеп жіберіңіз»: ресейлік әнші Акмалдың Қазақстанда өтетін концерттері тоқтатылды

Ұйымдастырушы Ольга Горбикова Instagram парақшасында ресейлік әнші Акмальдың Павлодар мен Өскеменде өтпек болған концерттері тоқтатылғаны мәлімдеді. Акмаль бұған дейін көк сары түсті пакеттің түсі ұнамайды деп, көпшілік наразылығына қалған болатын, деп хабарлайды JANABASTAU.KZ ақпарат агенттігі Stan.kz-ке сілтеме жасап. 

Ұйымдастырушылар Ticketon және Go-kassa.kz сайттарынан алынған билеттер автоматты түрде қайтарылатынын жеткізді. Ал Мәдениет сарайындағы кассасынан алынған билеттерді сол жерде қайтаруға болады.

Концерттер ұйымдастырушыларға да, әншіге де байланысты емес себептермен тоқтатылды. Кешірім сұраймыз, – деп жазды Горбикова.

Акмал Қазақстанда дау туғызған концерттен кейін көпшіліктің назарында болды. Петропавлда өткен концерт кезінде көрермен әншіге алкоголь салынған пакетті сыйлады.

Акмаль оны алып, сахнадан:

Мына пакетін алып кетіңіз, түсі ұнамайды – деді.

ОҚИ ОТЫРЫҢЫЗ: «Өртеп жіберіңіз»: Көк-сары түсті ұнатпайтынын айтқан ресейлік әншінің басы дауға қалды

Пакет көк-сары түсті болды. Яғни Қазақстанның мемлекеттік туының түсімен сәйкес келді. Бұл интернетте наразылық туғызып, көп адамдар мұны ұлттық символға құрметсіздік деп қабылдады.

Сыннан кейін Акмал Instagram-да пікір білдірді.

Мен ешқашан Қазақстанға жаман сөз айтқан емеспін және айтпаймын. Бұл менің туған-туыстарым тұратын, балалық шағым өткен, қайтып келгім келетін жер. Жақсы адамдар әрқашан көп болады. Республика күні құтты болсын, Қазақстан, – деп жазды ол.

Әншінің Петропавлдан кейін Костанайдағы концерті жарық жүйесіндегі ақауларға байланысты өтпеді.

Акмаль Ходжаниязов ресейлік әнші, Түркменстанда туған. Ол "Голос. Дети" жобасының финалисі болды. 2025 жылғы қазан айында Қазақстан қалаларында тур өткізді. Петропавл мен Костанайдан кейін оның Өскемен (27 қазан) және Павлодардағы (28 қазан, екі концерт) шоулары жоспарланған еді.

Бұған қоса, 2025 жылы Ставропольдағы концертінде ол Украинадағы соғысқа қатысып жүрген адамға қолдау білдіргені белгілі болды. Бұл әрекеттер Қазақстанда көбіне жағымсыз қабылданды. Сондықтан көк-сары түсті пакет туралы сөздер жұртшылыққа қатты әсер еткендей. 

Еске салайық, көк-сары түсті ұнатпайтынын айтқан ресейлік әншінің басы дауға қалғанын хабарлаған едік.