Пәкістан мен тәліптердің текетіресі ушығып барады

Ауғанстан мен Пәкістан шекарасында жағдай ушығып барады. Тараптар бір-біріне қатаң ескерту жасады, деп хабарлайды JANABASTAU.KZ ақпарат агенттігі.

Соғысты бастаған Талибан қозғалысы желіде өз іс-қимылдары туралы жазды.

Ұйым өкілдерінің айтуынша, шекара бойында жүргізілген әскери қимылдар кезінде бірқатар нысан талқандалған.

Пәкістанға қарсы операцияны сәтті аяқтадық, – деп мәлімдеді тәліптер.

Бұл мәлімдемеге Пәкістан Қорғаныс министрлігі кешікпей қатаң жауап қатты.

Үндістанға қалай жауап бердік, Ауғанстанға жауабымыз да сондай жойқын болады. Тәліптерді енді Пәкістанға қарап қару көтере алмайтындай етеміз, – деді министрлік өкілі.

Екі ел арасындағы қақтығыстың Дюранд сызығы бойында болғаны хабарланды. Бұл шекараны Кабул ресми түрде мойындамайды.

Қазір шекара маңында атыс пен артиллериялық соққылар туралы мәліметтер көбейіп жатыр.