Павлодар облысында жол апатынан екі адам көз жұмды

Павлодар облысында жантүршігерлік жол апаты тіркелді. Облыстық полиция департаментінің мәліметінше, оқиға «Атамекен – Ақтоғай – Ресейдің Русская Поляна» автожолында болған, деп хабарлайды janabastau.kz. 

Алдын ала деректерге сәйкес, 30 тамыз күні «Шевроле» автокөлігінің жүргізушісі рөлге ие бола алмай, машина аударылып қалған. Соның салдарынан екі адам қаза тауып, тағы үш жолаушы түрлі жарақатпен ауруханаға жеткізілді.

Аталған дерек бойынша қылмыстық іс қозғалды. Қазір жол апатының нақты мән-жайы мен себептері тергеу барысында анықталып жатыр.

Полиция департаменті мұндай қайғылы жағдайлардың алдын алу үшін жүргізушілерге жылдамдық режимін қатаң сақтауды, қозғалысы қарқынды жол учаскелерінде аса мұқият болуды және көлік құралдарының техникалық жағдайын үнемі бақылап отыруды ескертті.