Қара бетперде киген жігіт жертөледе тұратын отбасыға баспана сыйлады (Видео)

Әлеуметтік желіде қайырымды ісімен танылған, қара бетперде киген жігіт тағы бір отбасыға қуаныш сыйлады,  деп хабарлайды

Жаңа баспанаға ие болған отбасы жертөледе тұрып келген. Отбасындағы 12 жасар Кәусар отбасының қазіргі тұрмыс-тіршілігі туралы баяндайды. Қыздың айтуынша, анасы еден жуушы болып жұмыс істейді, ал сіңілісі эпилепсиямен ауырады.

«Жертөледе тұрамыз. Көп қиындық болады. Ішімдік ішкен адамдар кіріп кетеді. Құбыр атылып кетеді. Тарақандар бар. Анама қалай қиын екенін түсінемін. Алайда қолымнан ештеңе келмейді. Анам намаз оқып, Алладан көмек сұрайды», - дейді Кәусар.

Бетперде киген жігіт оған баспананың кілтін табыс етті.

«Сіздер жаңа пәтердің иесі атандыңыздар», - деді қайырымды жігіт.