Қазақстан аумағында жер сілкінісі тіркелді

27 қыркүйек күні сағат 22:51-де Қазақстан аумағында жер сілкінісі болды, деп хабарлайды janabastau.kz ҚР Төтенше жағдайлар министрлігінің баспасөз қызметіне сілтеме жасап.

Құтқарушылардың мәліметінше, жер сілкінісінің эпицентрі Алматыдан 852 шақырым солтүстік-шығыс бағытта орналасқан. Семей қаласында жер сілкінісінің есептік күші қарқындылық шкаласы бойынша 2 баллды құраған.

Қазіргі уақытта қирау мен зардап шеккендер туралы ақпарат түскен жоқ.

Жер сілкінісі кезінде қауіпсіздікті сақтау үшін 10 қарапайым қадам:

1. Сабыр сақтап, үрейге берілмеңіз;
2. Дүмпу кезінде лифт пен баспалдақты қолданбаңыз;
3. Жиһаздан, терезеден және шамнан аулақ болыңыз;
4. Сенімді паналау орнын табыңыз, жоғарғы қабатта болсаңыз, негізгі қабырға бұрышына тұрыңыз;
5. Дүмпу тоқтаған соң ғимараттан шығыңыз;
6. Су, газ және электр қуатын ажыратыңыз;
7. Алдын ала дайындалған «дабыл сөмкесін» алыңыз;
8. Электр желілері мен ғимараттардан аулақ болыңыз;
9. Қайталама дүмпулерге дайын болыңыз;
10. Қарттар мен мүмкіндігі шектеулі жандарға көмектесіңіз.