Қазақстанда жаңа Лу Бань зертханалары ашылды

Қазақстан мен Қытай арасындағы жоғары деңгейдегі келіссөздер нәтижесінде елімізде екінші және үшінші Лу Бань зертханалары іске қосылды. Ашылу рәсіміне Мемлекет басшысы Қасым-Жомарт Тоқаев пен ҚХР Төрағасы Си Цзиньпин қатысты, деп хабарлайды JANABASTAU.KZ ақпарат агенттігі. 

Бұл бастама – Президенттің елімізде Лу Бань зертханаларының тәжірибесін кеңінен енгізу жөніндегі тапсырмасының нақты нәтижесі. Жоба түрлі салада тәжірибеге негізделген білім беруді дамытып, еңбек нарығына қажетті мамандар даярлауға бағытталған.

Екінші зертхана – Л.Н. Гумилев атындағы Еуразия ұлттық университетінің базасында;

Үшіншісі – Алматыдағы Логистика және көлік академиясында ашылды.

Айта кетсек, Қазақстандағы алғашқы Лу Бань зертханасы 2023 жылы Д.Серікбаев атындағы Шығыс Қазақстан техникалық университетінде құрылған болатын. Ол инженерлік-техникалық білім беру ісін жаңа деңгейге көтеруге арналған алаң ретінде жұмыс істеп келеді.