Қазақстанның барлық мектептерінде ата-аналар жиналысы өткізіледі

27 қыркүйекке дейін еліміздегі барлық мектептерде балалардың қауіпсіздігін қамтамасыз етуге арналған ата-аналар жиналыстары өтеді, деп хабарлайды janabastau.kz ҚР Оқу-ағарту министрлігіне сілтеме жасап.

Министрліктің сайтында бүгін басталатын ата-аналар жиналыстарында талқыланатын тақырып — балалардың шынайы өмірде де, онлайн кеңістікте де қауіпсіздігін қамтамасыз етуге жауапты екені айтылған. Ата-аналарға қауіп-қатерді уақытында анықтау және олардың алдын алу үшін қабылдайтын шаралар бойынша қадамдық нұсқаулықтар ұсынылады.

Оқу-ағарту министрлігі негізгі ұсыныстарды атап өтті: баланың мінез-құлқын бақылау, әлеуметтік желідегі белсенділігін қадағалау, мектептегі ортадағы құрдастарымен өзара әрекеттесуіне назар аудару. Сондай-ақ, балаға тұрақты түрде көңіл бөліп, ашық диалог үшін сенім ортасын құру және ата-аналардың оның өміріне белсенді қатысуының маңыздылығы да көтеріледі.

"Балалардың қауіпсіздігі әрбір ересек адам үшін басымдық болуы керек. Балаңызбен ашық сөйлесу, оның өміріне белсенді қатысу, цифрлық құрылғыларды бақылау және қауіпсіздік мәселелерін үнемі талқылау — бұл проблемалардың алдын алуға көмектесетін негізгі құралдар. Ата-аналардың міндеті тек бақылау ғана емес, сенімге негізделген қарым-қатынас орнату, сонда бала өзін әрдайым тыңдайтынын және көмектесуге дайын екенін білетін болады", — деді ҚР Оқу-ағарту министрлігі Балалардың құқықтарын қорғау комитетінің төрайымы Насымжан Оспанова.

Министрлік 2024 жылдан бастап білім беру ұйымдарында "Қауіпсіздік сабақтары" енгізілгенін еске салды. Сонымен қатар, психологтардың кеңесіне жүгінуге болатын психологиялық қолдау орталықтары ашылды. Сондай-ақ, ата-аналар мен балаларға психологтар мен заңгерлердің кеңесін алуға болатын тәулік бойы жұмыс істейтін "111" мемлекеттік байланыс орталығы жұмыс істейді.