Қырғызстанда қалың баланы қоғадай жапырған көліктің жауапсыз жүргізушісі ұсталды

Қырғызстанның Созақ ауданындағы оқушыларды мыжып өткен жүк көлігінің жүргізушісі ұсталды, деп хабарлайды janabastau.kz. 

Денсаулық сақтау министрлігінің хабарлауынша, зардап шеккендер саны 25-тен 32 балаға дейін өсті.

Ауруханадағы 9 баланың төртеуі жансақтау бөлімінде жатыр, олардың жағдайы ауыр.

Зардап шеккендердің екеуінде бас-ми жарақаты, біреуінде ашық бас сүйек-ми жарақаты, бас сүйегінің түбінің сынуы, ал біреуінде қабырға асты сүйегінің экструзияланған сынығы бар. Көкбауыры жарылған екі балаға ота жасалды, - дейді аурухана меңгерушісі Қыпшақбай Тоқтарбаев.

Ведомство басшысының орынбасары Октябрь Урманбетов оқиға болған аймаққа келіп, жағдайды өз бақылауына алды. Бұл іс Ұлттық қауіпсіздік мемлекеттік комитетінің басшысы Қамшыбек Ташиевтің де бақылауында.