Қызбен сүйісемін деп тілінен айрылып қалған жігіт туралы сұмдық хабар тарады

Қырғызстанда "қызбен сүйіскен сәтте жігіт тілінен айырылды" деген шу тудырған оқиғаға қатысты жаңа мәліметтер белгілі болды. Журналист Бекболат Қаржан бұл жағдайдың мән-жайын Facebook парақшасында тарқатып жазды.

Оның айтуынша, оқиға бастапқыда айтылғандай екі жастың романтикалық қарым-қатынасы аясында емес, таныстарының тойында болған. 

Жаңартылған ақпаратқа сәйкес, 18 жастағы қыз жігіттің сүйіктісі болмаған. Той барысында масаң күйдегі жігіт қызға қайта-қайта тиісіп, құшақтап, еркінен тыс сүймек болған. Осы әрекеттерге ашуланған қыз өзін қорғау үшін жігіттің тілін және ернінің бір бөлігін тістеп жұлып алғаны айтылды. 

Пост авторы қыздың әрекетін өзін-өзі қорғау деп бағалап, мұндай жағдайда оның ісін түсінуге болатынын жазған. Ал жігіттің туыстары қазір қыздың ата-анасынан кешірім сұрап жүргені де хабарланды.

Әлеуметтік желі қолданушылары оқиғаның шынайы мән-жайы ашылғанына таңданыс білдіріп, бұл жағдай жігітке үлкен сабақ болады деген пікірлер қалдыруда.