Қызылорда облысында оқушылардың бірі екіншісін пышақтап тастаған

Әлеуметтік желілерде Қызылорда облысында 15 жастағы жасөспірімнің пышақ жарақатын алғаны туралы ақпарат тарады, деп хабарлайды JANABASTAU.KZ ақпарат агенттігі turkystan.kz-ке сілтеме жасап.

Бұл деректі облыстық полиция департаментінің баспасөз қызметі растады. Қазір кәмелетке толмағанға қасақана ауыр дене жарақатын салу фактісі бойынша қылмыстық іс қозғалған.

Болған оқиғаның барлық мән-жайын анықтауға бағытталған тергеу жүргізіліп жатыр. Күдікті – кәмелетке толмаған. Ол ұсталып, уақытша ұстау изоляторына қамалды, – деп хабарлады ведомство.

Қылмыстық істің тергелуі облыстық полиция департаменті басшылығының ерекше бақылауында.