Шри-Ланканың бұрынғы президенті қамауға алынды

Оған президенттік қызметі кезінде шетелге жасаған сапарларына байланысты айып тағылды, деп хабарлайды janabastau.kz ақпарат агенттігі.

ВВС агенттігінің мәліметіне сәйкес, 76 жастағы бұрынғы президент президенттік мерзімінде шетелге 23 рет сапар шеккен. Бұл сапарларға жұмсалған шығын 600 миллион рупийден (шамамен 2 миллион АҚШ доллары) асқан.

Ранил Викрамасингхе 2022 жылдан 2024 жылға дейін президент қызметін атқарған. Ол қызметке экономикалық дағдарысқа байланысты елден қашып кеткен Готабая Раджапаксаның орнына келген болатын.