Тоқаев Иран аумағынан зымырандармен шабуылдау әрекеттерін айыптады

Қазақстан президенті Біріккен Араб Әмірліктеріне шабуылдау әрекеттерін айыптады, деп хабарлады мемлекет басшысының баспасөз хатшысы.

"Қасым-Жомарт Тоқаев Иран аумағынан Біріккен Араб Әмірліктерін зымырандармен және ұшқышсыз ұшу аппараттарымен шабуылдау әрекеттерін айыптады. Соның салдарынан көптеген тұрғын қаза тауып, азаматтық инфрақұрылымға нұқсан келді", - деп жазылған хабарламада.

Мемлекет басшысы Таяу Шығыстағы қарулы қақтығысты одан әрі ушықтыратын мұндай әрекеттерді еш ақтауға болмайды деп санайды.

Қасым-Жомарт Тоқаев халықаралық даулы мәселелерді шешудің ең дұрыс жолы дипломатиялық тәсілдерге жүгіну екенін айтты.