Тоқаев пен Мирзиёев Ташкентте қандай құжаттарға қол қойды

Президенттер келіссөздердің және Қазақстан мен Өзбекстан Жоғары мемлекетаралық кеңесі екінші отырысының қорытындысы бойынша Бірлескен мәлімдеме қабылдады, деп хабарлайды JANABASTAU.KZ ақпарат агенттігі.

ОҚИ ОТЫРЫҢЫЗ: Тоқаевқа Өзбекстанның ең жоғары мемлекеттік наградасы табысталды

Қасым-Жомарт Тоқаев пен Шавкат Мирзиёев келесі құжаттарға қол қойды: 

1. Жоғары мемлекетаралық кеңестің Қазақстан Республикасы мен Өзбекстан Республикасы өңірлері басшыларының кеңесін құру туралы шешімі;
2. Жоғары мемлекетаралық кеңестің геология және сирек кездесетін металдарды өндіру жөніндегі жұмыс тобын құру туралы шешімі;
3. Жоғары мемлекетаралық кеңестің трансшекаралық өзендердің су деңгейін болжау бойынша екіжақты жұмыс тобын құру туралы шешімі. 

Бұған дейін Мемлекет басшысы Шавкат Мирзиеевпен келіссөз жүргізгенін жазған болатынбыз. Сондай-ақ Қасым-Жомарт Тоқаевтың Өзбекстанға барғанын хабарладық.