Түркістан тұрғыны жұбайын скотчпен байлап, психиатриялық орталыққа мәжбүрлеп жатқызған

Түркістанда достарымен бірге жұбайын скотчпен байлап, мәжбүрлі түрде психиатриялық орталыққа жатқызған тұрғынға қатысты сот үкімі шықты, деп хабарлайды JANABASTAU.KZ ақпарат агенттігі.

Тергеу органымен ер адамға қатысты топ болып, алдын ала сөз байласу арқылы адам ұрлау, психиатриялық стационарға заңсыз орналастыру және оқ-дәрілерді заңсыз сақтау айыптары тағылған.

Ал екі досына алдын ала сөз байласуымен адам ұрлау және психиатриялық стационарға заңсыз орналастыруға жәрдемдесу бойынша айып тағылды.

"Сотталушы ер адам Түркістан қаласындағы базарлардың бірінің аумағынан тауып алған атыс қаруына арналған 16 дана оқ дәрілерді (жауынгерлік патронды) тұрғылықты мекенжайында заңсыз сақтаған", - деп жазды сот. ️

Сонымен қатар, ол бірге тұратын жұбайын отбасылық жанжал барысында таныстарының көмегімен қол-аяғын скотчпен байлап, күштеп Шымкент қаласындағы облыстық психикалық денсаулық орталығына жеткізкен.

Сол жерде тиісті медициналық құжаттарға қол қою қойып, жәбірленушіні заңсыз мекемеге орналастырған. Сот шешімімен ер адамға 9 жылға бас бостандығынан айыру жазасы тағайындалды.

Ал таныстары 8 жылға сотталды. Жәбірленушінің пайдасына күйеуінен 5 млн теңге, ал қалған екі сотталушының әрқайсысынан 3 млн теңгеден өндірілді.