«Түс көріп тұрмын ба?»: Мұстафа Өзтүріктің қызы елге деген сағынышын жеткізді

Қазақстанда таеквондо федерациясының негізін қалаған Мұстафа Өзтүріктің қызы Неслихан Өзтүрік Қазақстанға деген сағынышын білдіріп, әсерлі жазба жариялады, деп хабарлайды JANABASTAU.KZ.

Ол Алматыда жүрген сәтінен алған сезімін әлеуметтік желідегі парақшасында бөлісті.

Алматыдағы қонақүй бөлмемде айна алдында тұрып, бір сәтке демімді ішіме тарттым. Әлі де түс көріп тұрмын ба, әлде шынымен осындамын ба? Өз Отанымда. Қазақстанда. Жүрегім өзімнен бұрын күледі. Жүзімдегі бұл күлкі кездейсоқ емес. Бұл — мен қазір жүрегімде ұстап тұрған сезім, — деп жазды Неслихан Өзтүрік. 

Жазба желі қолданушыларының ыстық ықыласына ие болып, көпшілікті толқытты.