«Бала туғым келеді»: Динара Сәтжан ЭКО жасататынын айтты

Танымал тележүргізуші Динара Сәтжан Maмский әңгіме подкастына қонақ болып, жеке өмірі мен алға қойған мақсаттары туралы айтты, деп хабарлайды JANABASTAU.KZ ақпарат агенттігі.

Сұхбат барысында ол жары Жұмабек Жанықұловпен қалай танысқанын сөз етіп, болашақ жоспарларына да тоқталды.

Тележүргізуші балалы болуды қалайтынын айтып, ЭКО мәселесіне қатысты ойын ашық жеткізді.

«Мен балалы болып, бала туғым келеді. Мен ЭКОны да жоспарлап жүрмін. Менің жасымда ғылымға сенген дұрыс секілді. Себебі, ғылым бір орында тұрмайды. Эмбрионды жан-жақты зерттейді. Ешқашан бұл туралы ойлаймын деп ойламаппын. Дегенмен Құдайдың өз жоспары бар. Мен әлі жұмыртқа жасушаларымды қатырған жоқпын. Өзімдікі жақсы. Өзімде саны аз емес екен», – деді ол.