Кентауда көпқабатты үйде жарылыс болды: бір адам көз жұмды

Кентау қаласында көпқабатты үйде орналасқан қоғамдық тамақтану орнында газ жарылды, деп хабарлайды JANABASTAU.KZ ақпарат агенттігі.

Төтенше оқиға бүгін түнде болған. Бірінші қабаттағы қоғамдық тамақтану орнында газ-ауа қоспасы жарылып, өрт шықты. 

Оқиға орнында 1 адам қаза тапты. Тағы 4 адам ауруханаға жеткізілді, олардың екеуі жансақтау бөлімінде жатыр,-делінген ресми хабарламада. 

Оқиға орнына Түркістан облысының әкімі Нұралхан Көшеров барып, жағдайды жеке бақылауына алды. Жедел штаб құрылды. Қазіргі кезде қылмыстық іс қозғалып, тергеу шаралары басталды.