Жанарымнан көктем күліп қарайды

Фестивальдің мақсаты – Ақмола облысы жастарының шығармашылық қызметі үшін жағдай жасау, өңірдегі студент жастардың адамгершілік және мәдени әлеуетін сақтау және көбейту, студенттерді эстетикалық тәрбиелеу жүйесін жетілдіру. Жастардың бойында белсенді азаматтық ұстанымын, әлеуметтік жауапкершілігін, патриоттық сезімін, көшбасшылық қасиеттерін қалыптастыру болып табылады. Фестивальдің конкурстық бағдарламасы театр-зияткерлік, ақпараттық-технологиялық және вокалдық бағыттарды қамтыды. «Cover-нұсқа», «Тапқырлар алаңы», «STUD КӨКТЕМ – аруы» және «Үздік мобилограф» сияқты номинациялармен қатысушылар бақ сынады. «Студенттік көктем» фестивалін Ақмола облысының жастар ресурстық орталығы жыл сайын өткізіп отырады. Барлық қатысушыларға белсенділігі үшін алғыс айтамын. Көрермендердің энергиясын сөзбен жеткізу мүмкін емес, себебі әр қатысушының жанкүйерлері тамаша көңіл-күймен қолдау көрсетіп отыр. Шынында да, осы кеште нағыз көңілді атмосфера орнады» деді облыстық ЖРО басшысы Дастан Ермеков. Жалпы, фестиваль қорытындысы бойынша «Студенттік Көктем аруы – 2023» сұлулық байқауында «Көрермен көзайымы» номинациясынмен жерлесіміз Қосшы қалалық жастар ресурстық орталығының маманы Гульфайруз Мерекеқызы марапатталып, көрерменің ыстық ықыласына ие болған. – Байқау жоғары деңгейде ұйымдастырылды. Қатысушылар бір-бірінен асып түскен тартысты бәсеке болды. Осы байқау қатысушылардың таланттын шыңдап, жаңа белеске бастайтын керемет сайыс екені анық. Сайыс болған соң жеңіспен жеңіліс қатар жүретіні заңдылық емеспе? Барлығына ризашылығымді білдіремін,– деді Гульфайруз Жамантай. Ал «Талантты ару» номинациясын Щучинск қаласы жоғары педагогикалық колледжінен Аида Жақсылықова ие болса, «Көрікті ару» номинациясы Көкшетау қаласы Гуманитарлы-техникалық академия студенті Дильназ Шоқаққа бұйырды. Сондай-ақ 50 000 теңгелік ақшалай сертификат және ІІ вице-мисс атағын Ж.Мусин атындағы Көкшетау жоғары қазақ педагогикалық колледжінің студенті Кенжегүл Тұрқай иеленсе, 100 000 теңгелік ақшалай сертификат және І вице-мисс атағымен Жұлдыз Акбарова марапатталды. Ал, 150 000 теңгелік ақшалай сертификат және «Студенттік Көктем аруы – 2023» атағына ие болған Көкшетау қаласы Жоғары медициналық колледжінің студенті Амина Ещанова жеңіске жетті. «Cover-нұсқа» номинациясында 50 000 теңгелік ақшалай сертификат және жүлделі III орынды Көкшетау қаласы жоғары медицина колледжінен Жігітай Диаз және Ж.Мусин атындағы Көкшетау жоғары қазақ педагогикалық колледжінен келген Тұрсын Меруерт иеленсе, 80 000 теңгелік ақшалай сертификат және жүлделі II орынды Бурабай колледжінен қатысқан Жанат Жандосқа бұйырды. Бірінші орынды және 100 000 теңгелік ақшалай сертификатпен Көкшетау жоғары медициналық колледжінен Райхан Тоғанасова марапатталды. Ал гран-при атағына ие болған және 120 000 теңгелік ақшалай сертификатпен Біржан Сал музыкалық колледжінен қатысқан Екатерина Прямосудова жеңіске жетті. «Тапқырлар алаңы» номинацияы бойынша 3 орынды және 50 000 теңгелік ақшалай сертификатты Ж.Мусин атындағы Көкшетау жоғары қазақ педагогикалық колледжінен «IT» командасы иеленсе, жүлделі 2 орынды және 80 000 теңгелік ақшалай сыйлықты Ш.Уәлиханов атындағы КУ жанындағы Көпсалалы колледжінен «Барыс» командасы жеңіп алды. Жеңімпаз атағына ие болған және 100 000 теңгелік ақшалай сыйлықпен Гуманитарлық-техникалық академиясынан қатысқан «Остатки друзей Оушена» командасы марапатталды. «Үздік мобилограф» номинациясында 50 000 теңгелік ақшалай сертификатпен және жүлделі 3 орынды жеңіп алған Ж.Мусин атындағы Көкшетау жоғары қазақ педагогикалық колледжінің студенті Зарема Сапарова марапатталды. Осы номинация бойынша 2 орынды жеңіп алған Шағалалы ауылының Жоғарғы агротехникалық колледжінің студенті Алпысбай Нажмаддин 80 000 теңгелік ақшалай сертификатпен марапатталды. Жүлделі 1 орынды иеленген Жоғары азаматтық қорғаныс көпсалалы колледжінің студенті Альтаир Тюлюханов 100 000 ақшалай сыйлықты олжалады. Енді, Көкшетау қаласында үш күн бойы жалғасқан байқаудың әділ-қазылар құрамына тоқталсақ: Дастан Амангелдіұлы – Ақмола облысы ішкі саясат басқармасының « Жастар-ресурстық орталығы» басшысы; Наргиз Советқызы – «Қазақстан Аруы», «Мейірімділік Аруы – 2021» жүлдегері; Найля Ибрагимқызы – «Көкшетау аруы» сұлулық байқауының өңірлік директоры. Beauty Kazakhstan байқауының вице-президенті. Қазақстан халқы Ақмола Ассамблеясының Көкшетау қаласы Аналар кеңесінің төрайымы Зарина Өмірғалиқызы – «Көкшетау Аруы – 2022» жеңіпазы; Сәуле Иманғалиқызы – Көкшетау қаласының іскер әйелдер қауымдастығының мүшесі төрелік жасады.  

Рамазан Бауыржан