Алматылық белсенді Тимур Пиязов референдумда белсенділік танытуға шақырды

Алматы қаласының белсендісі Тимур Пиязов алдағы референдумның маңыздылығына тоқталып, қала тұрғындарын дауыс беруге белсенді қатысуға шақырды, деп хабарлайды JANABASTAU.KZ ақпарат агенттігі.

Оның айтуынша, референдум – ел дамуына тікелей әсер ететін маңызды саяси науқан.

Сондықтан әрбір азамат өз азаматтық ұстанымын білдіріп, ортақ шешім қабылдау процесіне атсалысуы қажет.

«Референдум – бұл әрқайсымыздың болашағымызға қатысты шешім. Белсенділік таныту – жауапты қоғамның белгісі. Барша алматылықтарды және қазақстандықтарды дауыс беруге қатысуға шақырамын», – деді

Тимур Пиязов. Белсендінің пікірінше, ел өміріндегі маңызды бастамаларға бейжай қарамау – тұрақты әрі дамыған қоғам құрудың негізі.