Астанада көлік бағанаға соғылып, жүргізуші оқиға орнында қаза болды
110
Фото: видеодан скриншот
Астанада Chery Tiggo автокөлігінің жүргізушісі қатысқан өліммен аяқталған жол-көлік оқиғасы болды, деп хабарлайды JANABASTAU.KZ ақпарат агенттігі.
Оқиғаның мән-жайы
Telegram-дағы Astanovka98 арнасында оқиға орнын түсірген куәгерлердің видеосы жарияланды.
Кабанбай батыр даңғылындағы апат. Айналада шам бағанасының сынықтары шашылған. Көлік қоршауға соғылған. Оқиға орнында жедел жәрдем бар, - делінген хабарламада.
Полиция мәлімдемесі
Chery Tiggo автокөлігінің жүргізушісі Керей және Жәнібек хандар көшесімен қозғалып келе жатып, Кабанбай батыр даңғылымен қиылыста көлікті басқара алмай, көше шамының бағанасына соғылған. Соққының салдарынан көлік аударылып кеткен. Жүргізуші алған жарақаттарынан оқиға орнында көз жұмды, - деп хабарлады ведомстводан.
Полиция департаментінің баспасөз қызметі аталған жол-көлік оқиғасы бойынша қылмыстық іс қозғалып, тергеу жүргізіліп жатқанын мәлімдеді.
Пікірлер (0)