Атырауда жедел әрекет ету жасағының қызметкерлері басшыларының үстінен шағымданды (ВИДЕО)

Атыраудағы жедел әрекет жасағының (СОБР) қызметкерлері өз басшылығының үстінен шағымданды. Олардың айтуынша, командирлер бағыныштыларды қорлап, күш қолдануға дейін барады, деп хабарлайды Stan.kz-ке сілтеме жасаған JANABASTAU.KZ ақпарат агенттігі.

Атырау облыстық Полиция департаментінің жедел әрекет жасағы (СОБР) қызметкерлері өз басшыларының әрекеттеріне шағым түсірді. Олар командирлер тарапынан қорлау мен күш қолдану фактілері болғанын мәлімдеді.

Атырау облыстық Полиция департаментінің қызметкерлері басшылықтың әрекеттеріне наразылық білдірді. Қызметкерлердің айтуынша, бөлімше жетекшілері бағыныштыларды қорлап, кей жағдайда күш қолданған.

Шағым Қазақстанның ішкі істер министрі Ержан Сәденовке және ІІМ-нің ішкі қауіпсіздік департаментіне жолданған. Өтініш иелерінің сөзінше, әсіресе, полиция майоры Еркебулан Сапанов бағыныштылармен сөйлескенде жеке басқа тиіп, дөрекілік танытады. Сонымен қатар рота командирлері полиция майорлары Ерік Карабаев пен Нурбахыт Басаров та қызметкерлерге қысым көрсетеді деген шағым бар.

Қызметкерлер келтірген дерекке сәйкес, оқиғалардың бірі ақпан айының ортасында қызмет барысында болған. Айтуларынша, сөзге келу барысында бір қызметкердің басынан соққы алған. Шағымда соққы бронежилетпен жасалғаны да көрсетілген.

Атырау облыстық Полиция департаменті осы жағдайға қатысты пікір білдірді. Ведомство мәліметінше, қызметтік тәртіпті бұзу фактілерінің бірі расталған.

Бөлімше басшылығының орынсыз әрекеттеріне байланысты қызметтік тексеру жүргізіліп жатыр, – деп хабарлады департамент өкілдері.