ЕЛЕНА РЫБАКИНА MIAMI OPEN ТУРНИРІНІҢ ФИНАЛЫНА ШЫҚТЫ

Қазақстанның бірінші, әлемнің 7-ракеткасы Елена Рыбакина Майамиде (АҚШ) өтіп жатқан Miami Open турнирдің жартылай финалында жеңіске жетті, - деп хабарлайды Jańa Bastau газеті Tengrinews.kz ке сілтеме жасап. Елена Рыбакина әлемнің 3-ракеткасы, америкалық Джессика Пегуламен ойнады. Қазақстандық теннисші 7:6 (7:3), 6:4 есебімен жеңіске жетті. Матч 1 сағат 52 минутқа созылды. Айта кетейік, матч жаңбырға байланысты екі рет тоқтатылды.