ЕЛЕНА РЫБАКИНА MIAMI OPEN ТУРНИРІНІҢ ЖАРТЫЛАЙ ФИНАЛЫНА ӨТТІ

Қазақстанның бірінші, дүниежүзінің 7-ракеткасы Елена Рыбакина Miami Open турнирінің ширек финалында жеңіске жетті, деп хабарлайды Jańa Bastau газеті Egemen.kz ке сілтеме жасап. Елена Рыбакина дүниежүзінің 24-ракеткасы, италиялық теннисші Мартина Тревизанмен ойнады. Матч 1 сағат 9 минутқа созылды. Бұл - Елена Рыбакинаның қатарынан 12-жеңісі. Енді ол турнирдің жартылай финалында Джессика Пегула (АҚШ) мен Анастасия Потапова (Ресей) жұбының жеңімпазымен кездеседі. Еске салайық, бұған дейін Елена Рыбакина Miami Open турнирінің 1/8 финалында дүниежүзінің 39-ракеткасы, бельгиялық теннисші Элизе Мертенсті жеңген еді.