Көкшетау қаласындағы «Досық үйінде» Халқаралық Қазақ тілі қоғамы Ақмола облыстық филиалы ел зиялыларын жинап, алдағы жылы атқарылатын негізгі мәселелерді талқылады.
Былтыр осы уақытта құрылған облыстық филиалдың бүгінгі күні 17 аудан мен 3 қалада филиалдары бар. Бәрі де өздерінің шама-шарқынша жұмыс ісеп жатыр. Бұл отырысқа аудандар мен басқа қалалар онлайн қатысты. Сондай-ақ, Ш.Уәлиханов атындағы университеттің ғалымдары мен ұстаздары да өз ойларын ортаға салып, қоғамдық бірлестіктің қай бағытта жұмыс істеу керектігін сөз қылды.
Ендігі мәселе , тек осы филиалдарды қаржыландырудың жолы мен халыққа пайдасы тиер игі жобаларды жүзеге асыру. Облыстық филиалдың төрағасы Ермек Нұғыманов негізгі төрт бағытқа тоқталды:
Балабақшалар мен мектеп, лицей, орта және жоғарғы оқу орындарында қазақ тілінің оқу сапасы;
Халыққа қызмет көрсететін орындар: - банк, ресторан, ХҚКО, автосервситер, т.б жерлердің қызметі;
жер-су, елдімекен атауларын өзгерту, тарихи атауларын қайтару туралы ономастика мәселелері;
қазақ тіліндегі әдебиет пен өнер байқауларын ынталандыру;
Алдағы уақытта мемлекеттік тілдің дамуы мен өркен жаюына барынша ниетті ынталы топтың жұмысын жариялап тұратын боламыз.
289
Пікірлер (0)