Көкшетаулық зияткерлер ауыл шаруашылығы алқаптарының сапасын бақылауға мүмкіндік беретін құрылғы ойлап тапты

Көкшетау қаласындағы Назарбаев Зияткерлік мектебінің 11-сынып оқушылары Жақсылық Дінмұхаммед, Расул Мейрам, Айгерім Ислямова мен Мадина Абатова ауыл шаруашылығы алқаптарының сапасын бақылауға мүмкіндік беретін құрылғы ойлап тапты. Зияткерлер аталған жобамен Индонезияда өткен «Жастардың Халықаралық ғылыми жәрмеңкесі-2023» онлайн-байқауында алтын медаль иеленді. Зияткерлердің «Ауыл шаруашылығы алқаптарының сапасын мониторингтеу» жобасы ауыл шаруашылығы алқаптарының ластану ауданын анықтау мақсатында шағын ұшатын аппараттар үшін бағдарлама құру мақсатын көздейді: Оқушылар жақын арада бағдарламаны кәсіби камераға қосып, табиғи жағдайда сынап, жобаларын жетілдіруді көздеп отыр. Естеріңізге сала кетейік, аталған жоба «Shoqan Ecology-2023» жас ғалымдардың экологиялық форумында да 1-орынға бағаланған еді.