Қосшы қалалық мәслихатының XVII сессиясы

1 тамызда Қосшы қалалық мәслихатының кезектен тыс XVII сессиясы өтті. Zoom платформасында ұйымдастырылған сессияны үздік мәслихаттың хатшысы В.Ибраев өткізді. Қалалық мәсілихаттың депутаттары Н.Тоқабаев, А. Төребаев, К. Дуисекеев, И. Әбілқасымов, С. Қабылқақ және мәслихат аппаратының басшысы М. Бапенова қатысты. Күн тәртібінде 5 мәселе қаралды. Олар:

1. Қосшы қаласының тұрғындары үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту;
2. 2022 жылға арналған Қосшы қаласында кондоминиум объектісін басқаруға және бірлескен мүлікті күтіп-ұстауға арналған ең төменгі шығындарды бекіту;
3. «АМАНАТ» партиясының «Қосшы қалалық мәслихатындағы депутаттық фракциясын тіркеу туралы» 2021 жылғы 2 тамызда бекітілген қаулыға өзгерістер енгізу туралы;
4. Құқықтық тәртіп, билік және этика жөніндегі тұрақты комиссиясының құрамы және оның төрағасын сайлау туралы;
5. Экономикалық және бюджеттік мәселелері жөніндегі тұрақты комиссия құру және оның төрағасын сайлау туралы.

Сессия барысында аталған мәселелер бойынша депутаттардың сұрақтарына жауаптар алынып, тиісті шешімдер қабылданды. Қоқыс жәшігіне жақын әрі, маңызды орында орналасқан үйлердің тұрғындары үшін қоқыс сомасы бір адамға 532,66 теңге, ал қоқыс жәшігінен алыс  үйлердің тұрғындары үшін 575,27 теңге болады. Сондай-ақ, мәслихат депутаттарының дауысымен С.Қабылқақ «АМАНАТ»  партиясы депутаттық фракциясының әлеуметтік мәселелер, заңдылық пен құқық тәртібі жөніндегі тұрақты комиссияның мүшесі болып сайланды.