Қосшы қаласының әкімі тұрғындармен кездесті

24 тамыз күні Қосшы қаласының әкімі Гайдар Қасенов қала тұрғындарымен кездесті. Аталған шараға газет тілшісі арнайы қатысып қайтқан еді. Қазір еліміздің барлық жерінде Мемлекет басшысы Қасым-Жомарт Тоқаевтың әкімдердің халықпен кездесулерін өткізу туралы Жарлығына сәйкес шаралар өткізіліп жатыр. Бұл шараларды өткізуден Қосшы қаласының әкімі Гайдар Қасенов те қалыс қалмады. «Лесная поляна» тұрғын үй алабындағы №2 мектебінің акт залына жиналған тұрғындардың қарасы мол болды. Жиналған жұртшылыққа қала басшысы осы жылдың  жеті ай көлеміндегі әлеуметтік-экономикалық дамудың жоспарын халыққа таныс­тырды, қалада атқарылып жатқан иігі істерді де аттап өтті. Сонымен қатар кездесуге жиылған тұрғындар әкімге қаладағы әлі күнге шешімін таппай келе жатқан мәселелер бойынша сұрақтар қойды. Әкім халықтың сөзін мұхият тыңдап, әр қайсысына нақты жауап берді. Сондай-ақ әрбір сұрақ пен ұсынысты міндетті түрде бақылауға алатынын айтты.  Жиыннан кейін де Гайдар Қасенов тұрғындарды жеке-жеке қабылдады. «Мұндай кездесулер әр тоқсан сайын өтеді.  Ескерте кетейік, аптаның әр сәрсенбісінде сағат 09.00-ден 12.00-ге дейін азаматтарды жеке мәселелері бойынша қабылдайды. Қосшы әкімі Ашық үкіметтің озық үлгісін көрсетуде», – дейді Қосшы қаласы әкімдігінің баспасөз қызметі.