Өскемен мен Ресей қалалары арасындағы әуе қатынасы тоқтатылуы мүмкін
68
Сурет: ашық дереккөзден
Өскемен мен Ресей қалалары, анығырақ айтсақ, Өскемен-Мәскеу, Өскемен-Новосібір арасындағы әуе қатынасы тоқтатылуы мүмкін.
Бұл туралы Шығыс Қазақстан облысының тұрғындарымен кездесуде ҚР Көлік министрі Марат Қарабаев мәлімдеді, деп хабарлайды janabastau.kz .
"Әуе кемелерінің тапшылығына байланысты біздің әріптестеріміз, атап айтқанда "Сибирь" ("S7 Airlines") авиакомпаниясы жақын арада рейстерді тоқтатуға мәжбүр. Отандық Qazaq Air компаниясында да тура сол жағдай", – деді ол.
Ведомство басшысының айтуынша, рейстер қазан айынан бастап тоқтауы мүмкін.
"Мүмкін басқа авиакомпанияларды қосамыз", – деді Қарабаев республиканың Көлік министрлігі әуе қатынасын сақтау үшін бар күшін салатынын алға тартып.
Пікірлер (0)