Қазақстанда ЭЦҚ кілтін алу қиындап кетті

«Ұлттық ақпараттық технологиялар» акционерлік қоғамының мәліметінше, pki.gov.kz жеке кабинеті арқылы электрондық цифрлық қолтаңба кілтін қайта шығару кезінде қосымша тексеріс кезеңі енгізілді, деп хабарлайды JANABASTAU.KZ ақпарат агенттігі.

Электрондық цифрлық қолтаңба кілтін қайта шығару барысында қосымша тексеріс екі жолмен жүзеге асырылады:

SMS-хабарлама арқылы растау – елдің «Мобильді азаматтар базасында» тіркелген телефон нөміріне жіберілетін бір реттік кодты енгізу арқылы.

eGov Mobile қосымшасы арқылы – цифрлық құжаттағы кодты енгізу арқылы.

Бұл механизм Қазақстанның резиденті емес азаматтарға қолданылмайды, себебі олардың «Мобильді азаматтар базасында» тіркелген телефон нөмірі жоқ.

Компанияның пікірінше, қабылданған шара қауіпсіздікті арттыруға, пайдаланушыларды электрондық цифрлық қолтаңба кілтін заңсыз қолданудан қорғауға және қайта шығару рәсімін сенімді етуге бағытталған.