«Әкімнің ұлы» салық мәселесін шешемін деп 5 млн теңге алғанын мойындады

Әлеуметтік желілерге Талдықорған қаласының бұрынғы әкімі Дастан Шалтабаевтың ұлы Тұрлыхан Тұрарбекке ұқсайтын азаматтың алаяқтық жасағанын мойындап тұрған сәті түсірілген бейнежазба тарады, деп хабарлайды JANABASTAU.KZ ақпарат агенттігі.

Бейнежазбада кадр сыртындағы дауыс иесі жігіттен ақшаның қарызға емес, нақты уәде етілген қызмет үшін алынғанын нақтылайды. Сұрақтарға жауап қатқан жігіт алаяқтық жасағанын жоққа шығармады. Сондай-ақ ол салық саласындағы мәселелерді шешіп беруге уәде етіп, 5 миллион теңге көлемінде қаржы алғанын айтты.