Жарақатынан айыққан Темірлан Анарбеков жаттығуға қайта кірісті
Жаңалықтар
124
124
Фото: olimpbet.arena
Бұл туралы «Қайрат» футбол клубының баспасөз қызметі жариялап, жаттығу сәтінен видео бөлісті, деп хабарлайды JANABASTAU.KZ ақпарат агенттігі.
Темірлан Анарбеков Қазақстан чемпионаты аясында «Ақтөбеге» қарсы ойында жарақат алып қалған болатын. Кездесудің 10-минутында айып добынан кейін ол қарсылас команданың қорғаушысы Уче Агбомен соқтығысып, ойынды жалғастыра алмады. Футболшыны алаңнан зембілмен алып шыққан еді.
Кейіннен футболшының төменгі жақ сүйегінің сынғаны мәлім болды.
Ол осы аралықта ел чемпионаты мен Чемпиондор лигасының негізгі кезеңіндегі «Реал Мадридке» қарсы ойынға қатыса алмады.
Еске сала кетсек, бүгін футболдан Қазақстан құрамасы елордада Лихтенштейнмен кездеседі.
Пікірлер (0)