Трамп Тоқаевты АҚШ-та өтетін G20 саммитіне шақырды
117
Фото: Ақорда
АҚШ Президенті Дональд Трамп Мемлекет басшысы Қасым-Жомарт Тоқаевты 2026 жылы Майамиде өтетін G20 саммитіне шақырды, деп хабарлайды JANABASTAU.KZ ақпарат агенттігі.
Бүгін таңертең мен Қазақстан Республикасының Президенті Қасым-Жомарт Тоқаевпен тамаша телефон әңгімесін өткіздім. Біз қазіргі қақтығыстарда бейбітшілікті орнатудың маңызын, сондай-ақ елдеріміз арасындағы сауда мен ынтымақтастықты кеңейту мәселелерін талқыладық. Екі елмен де қарым-қатынасымыз өте әсерлі. АҚШ келесі жылы G20 саммитін қабылдайды және біз бұл аса маңызды іс-шараға Майамиде қонақ ретінде қосылу үшін осы көшбасшылардың екеуін де шақырамыз, – деп жазды Трамп.
G20 – құрамына 19 мемлекет, Еуропалық одақ және Африкалық одақ кіретін үкіметаралық форум.
Саммит отырыстарына, сондай-ақ, БҰҰ, Дүниежүзілік банк және Халықаралық валюта қоры секілді халықаралық ұйымдардың өкілдері қатысады. Олар жаһандық экономиканың негізгі мәселелерін шешумен айналысады.
Пікірлер (0)