«Түнімен далада жүрген»: Астанада мәйіті табылған оқушы қыз туралы тың дерек шықты

Астанада таңертең Есіл өзенінен мәйіті табылған оқушы қыздың түні бойы далада жүргені белгілі болды, деп хабарлайды JANABASTAU.KZ ақпарат агенттігі.

Оқиға таңғы 06.30-да болған

Астана қалалық Төтенше жағдайлар департаменті қайғылы оқиға бүгін таңғы 06:30-да болғанын мәлімдеді.

«112» пультіне ПД ЖБО  Сарыарқа ауданында «Серуен» көпірінен Есіл өзеніне адам секіргені туралы хабарлама келіп түсті.

Оқиға орнына жедел жеткен жедел-құтқару жасағының сүңгуірлер тобы 07:02-де 2011 жылғы қыз баланың денесін судан алып шықты, – делінген ТЖД хабарламасында.

Бұған дейін...

Ведомствоның мәліметінше, қазіргі уақытта оқиғаның барлық мән-жайы анықталып жатыр.

Айта кетейік, 24 қараша күні сағат 21:00-де полицияға елорда тұрғынынан 18:30 шамасында қызының үйінен шығып кетіп, байланысқа шықпай қойғаны хабарланған болатын. Кейін Астанада өзеннен жоғалған мектеп оқушысының денесі табылды.