Жұлдыз Қазихан 15 наурыздағы референдумның маңызы туралы айтты

Ақын Жұлдыз Қазихан жаңа Конституция жобасына қатысты пікір білдіріп, оның қоғамдағы келісім мен тұрақтылықты қамтамасыз етудегі маңызын атап өтті, деп хабарлайды JANABASTAU.KZ ақпарат агенттігі.

Оның айтуынша, Конституция – қоғамдағы тұрақтылық пен келісімнің құқықтық негізі. Сондықтан құжаттың мазмұны әртүрлі әлеуметтік топтардың мүдделерін ескеруі тиіс.

«Жаңа Конституция жобасы осы қағидаттарды сақтай отырып әзірленген. Құжатта қоғамдағы тұрақтылықты қамтамасыз етуге бағытталған нормалар қарастырылған. Бұл мемлекет пен азаматтардың арасындағы сенімді нығайтады», – деді Жұлдыз Қазихан.

Ақын сондай-ақ Конституцияны референдум арқылы қабылдау халықтың ортақ келісімінің көрінісі екенін атап өтті.

«Референдум арқылы қабылданған Конституция халықтың ортақ келісімінің нәтижесі болып саналады. Мұндай тәжірибе көптеген елдерде бар. Халықтың қатысуымен қабылданған шешімдер ұзақ мерзімді тұрақтылықты қамтамасыз етеді», – деді ол.

Сонымен қатар Жұлдыз Қазихан азаматтардың белсенділігі маңызды екенін айтып, 15 наурызда өтетін референдумның маңызына тоқталды.

«Әрбір азамат өз таңдауын жасау арқылы елдің болашағына үлес қосады. Бұл – демократиялық қоғамның басты құндылықтарының бірі», – деп түйіндеді ақын.