Енді біреудің жазбасын бөліскенің үшін де жазаға тартылуың мүмкін

Мәжіліс әлеуметтік желілерде тыйым салынған контентті жариялауға ғана емес, оны қайта бөлісуге (репост жасауға) да жауапкершілік енгізетін заң жобасын мақұлдады, деп хабарлайды JANABASTAU.KZ ақпарат агенттігі Finratings.kz порталына сілтеме жасап. 

Бұл — экстремизмге, терроризмге, зорлық-зомбылыққа, конституциялық құрылымды бұзуға шақыратын немесе есірткіні насихаттайтын материалдарға қатысты.

Енді заң бойынша постты, бейнежазбаны немесе сілтемені бөліскен адамдардың өздері де жауапқа тартылуы мүмкін.

ОҚИ ОТЫРЫҢЫЗ: Жаңа тәсілмен жазалау: енді жүргізушілер ереже бұзбаса да айыппұл арқалауы мүмкін

Жаңа жылдан бастап ұялы байланыс тарифтері тағы қымбаттайды

Егер таралған контент заңсыз деп танылса, пайдаланушыға әкімшілік айыппұл немесе тіпті қылмыстық жауапкершілік қарастырылмақ — бұл бұзушылықтың ауырлығына байланысты белгіленеді.

Түсіндірме жазбада аталған түзетулердің мақсаты — «қауіпті ақпараттың таралуын болдырмау және цифрлық қауіпсіздікті арттыру» екені атап өтілген.

Бұған дейін мұндай жауапкершілік тек бастапқы жарияланымның авторларына ғана қолданылатын.

Сарапшылардың пікірінше, жаңа заң жобасы Telegram, Instagram немесе TikTok желілерінде не бөлісіп жатқанын мұқият тексермейтін мыңдаған қолданушыға әсер етуі мүмкін.

Құжат Мәжілісте бірінші оқылымда қабылданды. Енді ол Сенатта қаралып, кейін Президент қол қойған жағдайда күшіне енеді.

Пікірлерге қарағанда, нақты іске қосу мерзімі әзірге белгісіз, бірақ нормалардың 2026 жылы күшіне енуі күтіледі.